”30 سال ہو گئے کرکٹ کیساتھ وابستہ ہوئے لیکن۔۔۔“ لاہور قلندرز کی مسلسل پانچویں شکست کے بعد بالآخر کوچ عاقب جاوید میدان میں آ ہی گئے، ایسی بات کہہ دی کہ جان کر آپ بھی کہہ اٹھیں گے ”ہاں! ہم نے بھی“

شارجہ (ویب ڈیسک) پاکستان سپر لیگ (پی ایس ایل) فرنچائز لاہور قلندرز کے ہیڈ کوچ عاقب جاوید نے کہا ہے کہ وہ گزشتہ 30 سال سے کرکٹ سے وابستہ رہے ہیں تاہم بیٹنگ میں بار بار ایک انداز میں ناکامی انہوں نے آج تک نہیں دیکھی۔
پشاور زلمی کے خلاف شکست کے بعد پریس کانفرنس سے خطاب کرتے ہوئے عاقب جاوید ٹیم کی کارکردگی سے مایوس دکھائی دئیے اور کہا کہ آپ ایک دو میچز کے بعد توقع رکھتے ہیں کہ ٹیم کی پرفارمنس بہتر ہوگی جیسا کہ اسلام آباد یونائیٹڈ کیساتھ میچ میں دونوں ٹیموں نے اچھا کھیلا لیکن آج ہماری پرفارمنس پھر مایوس کن رہی۔
ان کا کہنا تھا کہ تمام میچز میں ایک ہی طرح کا مسئلہ درپیش آ رہا ہے، ہر کوئی جانتا ہے کہ لاہور قلندرز کے ساتھ کیا مسئلہ ہے۔ ابھی ٹورنامنٹ میں لاہور قلندرز کے پانچ میچ باقی ہیں جن میں بہتر کارکردگی دینے کی کوشش کریں گے۔

اپنا تبصرہ بھیجیں