بھارتی اداکار عامر خان اور ان کی اہلیہ کرن راوسوائن فلو کا شکار ہوگئے

ممبئی (ویب ڈیسک)معروف بھارتی اداکار عامر خان اور ان کی اہلیہ کرن راوسوائن فلو کا شکار ہوگئے. عامر خان نے اس بات کی تصدیق کی ہے کہ انہیں اور ان کی اہلیہ کو H1N1 وائرس لاحق ہوگیا ہے جسے عام طور پر سوائن فلو کہا جاتا ہے۔ عامر خان کو ’’ستیامے وجیتے واٹر کپ ایوارڈز‘‘ میں شرکت کرنا تھی تاہم انہوں نے ویڈیو لنک کے ذریعے شرکائکو یہ پیغام دیا کہ انہیں سوائن فلو ہوگیا ہے۔
ویڈیو میں عامر خان نے کہا کہ انہیں افسوس کے ساتھ اپنے مداحوں کو یہ بتانا پڑ رہا ہے کہ سال بھر سخت محنت کے بعد جب خوشی منانے کا وقت آیا تو اس بیماری کی وجہ سے جو کہ بہت تیزی سے پھیلتی ہے انہیں ایک ہفتے تک گھر کے اندر ہی رہنا پڑے گا۔ تقریب میں موجود فلمی ناقد انوپما چوپڑا نے بتایا کہ عامر خان کی اہلیہ کرن راؤکو بھی سوائن فلو ہوگیا ہے۔

اپنا تبصرہ بھیجیں