کروڑوں لوگوں نے مجھے ووٹ دے کر منتخب کیا اور پانچ افراد نے رسوا کر کے نکا ل دیا

لاہور (سٹی نیوز)سابق وزیر اعظم نواز شریف کے خلاف سپریم کورٹ لاہور رجسٹری میں درخواست دائرکر دی گئی۔ عدالت میں دائر درخواست میں موقف اختیار کیا گیا ہے کہ نواز شریف نے اپنی نا اہلی کو سازش قرار دے دیا اور وہ مسلسل سپریم کورٹ پر الزام لگا رہے ہیں۔درخواست گزار نے عدالت سے استدعا کی کہ نواز شریف کی تقاریر توہین عدالت کے زمرے میں آتی ہے لہذا ان کے خلاف توہین عدالت کی کاررواائی کی جائے۔واضح رہے کہ نواز شریف نے مشن جی ٹی روڈ کے دوران لیگی کارکنا ن سے متعدد مواقع پر خطاب کرتے ہوئے کہا تھا کہ کروڑوں لوگوں نے مجھے ووٹ دے کر منتخب کیا اور پانچ افراد نے رسوا کر کے نکا ل دیا ،یہ اقدام عوام کے ووٹوں کی توہین ہے ،میں یہ توہین برداشت نہیں کر سکتا۔ گزشتہ روز لاہور ہائی کورٹ میں بھی نواز شریف کی عدلیہ مخالف تقاریر کو چیلنج کیا گیا تھا۔

اپنا تبصرہ بھیجیں