پاک فوج نے پاک افغان بارڈر پر راجگال میں کامیاب آپریشن کے بعد اہم چوٹی برخ محمد کنڈؤکا کنٹرول حاصل کر لیا

راولپنڈی (سٹی نیوز ) آپریشن خیبر فور میں فورسز کو ایک اور بڑی کامیابی حاصل ہو گئی ، پاک فوج نے پاک افغان بارڈر پر راجگال میں کامیاب آپریشن کے بعد اہم چوٹی برخ محمد کنڈؤکا کنٹرول حاصل کر لیا۔چوٹی پر دہشتگردوں کے ٹھکانے تھے جنہیں تباہ کر دیا گیا ہے۔
پاک فوج نے دہشتگردوں کے زیر قبضہ بلند ترین چوٹی برخ محمد کنڈاؤ کا کنٹرول حاصل کر کے چوٹی پر اپنی چیک پوسٹ قائم کر دی ہے۔آپریشن کے دوران دہشتگردوں کے زیر استعمال اسلحہ اور گولہ بارود سمیت بارودی سرنگیں بھی قبضے میں لی گئی ہیں۔آپریشن میں متعدد دہشتگرد بھی مارے گئیاور کئی افغانستان فرار ہو گئے۔
آئی ایس پی آر کا کہنا ہے کہ پہاڑی چوٹی جنگلات کے گھنے اور مشکل ترین علاقے پر 12ہزار فٹ کی بلندی پر واقع ہے۔آپریشن میں ایس ایس جی کمانڈوز نے بھی حصہ لیا تاہم اس دوران کسی دہشتگردی کی ہلاکت یا گرفتاری کے بارے نہیں بتایا گیا

اپنا تبصرہ بھیجیں