واشنگٹن: (سٹی نیوز) امریکی صدر ڈونلڈ ٹرمپ نے پاکستان کے لیے فوجی تربیت کے پروگرام کی بحالی کی توثیق کر دی، تاہم سلامتی سے متعلق دیگر معاون پروگراموں پر پابندی برقرار رہے گی۔
امریکا کی معاون نائب وزیر خارجہ ایلس ویلز نے سوشل میڈیا پر جاری بیان میں بتایا کہ پروگرام کی بحالی کا فیصلہ امریکا کی قومی سلامتی کے پیش نظر کیا گیا ہے، اس سے دونوں ممالک کے درمیان فوجی تعاون مزید مضبوط ہوگا۔
ایلس ویلز کے مطابق صدر ٹرمپ نے پاکستان کے لیے انٹرنیشنل ملٹری ایجوکیشن اینڈ ٹریننگ پروگرام بحال کرنے کی منظوری دے دی ہے، تاہم سلامتی سے متعلق دیگر معاون پروگراموں پر پابندی برقرار رہے گی۔
To strengthen mil2mil cooperation on shared priorities & advance US national security, @POTUS authorized the resumption of International Military Education and Training #IMET for Pakistan. The overall security assistance suspension for Pakistan remains in effect. AGW
— State_SCA (@State_SCA) January 3, 2020
یاد رہے امریکا کی جانب سے گزشتہ ماہ اپنے فوجی تربیتی اور تعلیمی پروگرام میں پاکستان فوج کے افسران کی شمولیت کی بحالی کی منظوری دی گئی۔
دو سال قبل امریکی صدر ڈونلڈ ٹرمپ نے انٹر نیشنل ملٹری ایجوکیشن اینڈ ٹریننگ پروگرام میں پاکستانی فوج کے افسران کی شمولیت پر پابندی عائد کی تھی۔
