حاملہ خواتین کے سامنے کبھی بھی چیخنا نہیں چاہیے، سائنسدانوں نے انتہائی سخت وارننگ دے دی

ٹوکیو(مانیٹرنگ ڈیسک) شوہر کا اپنی حاملہ بیوی کے ساتھ لڑائی جھگڑا اور اس پر چیخنا چلانااس کے پیٹ میں موجود بچے کے لیے کس قدر نقصان دہ ہوتا ہے، اب اس حوالے سے سائنسدانوں نے انتہائی سخت وارننگ دے دی ہے۔
میل آن لائن کے مطابق جاپان کے سائنسدانوں نے نئی تحقیق کے نتائج میں بتایا ہے کہ جو مرد اپنی حاملہ بیویوں پر چیختے چلاتے ہیں اس سے ماں کے پیٹ میں موجود بچے کی قوت سماعت متاثرہ ہونے کا خطرہ 50فیصد تک بڑھ جاتا ہے۔
جاپان کے کوچی میڈیکل سکول کے سائنسدانوں کا کہنا تھا کہ ”تیز مردانہ آواز ماں کے پیٹ میں موجود بچے پر کو بے سکون کرتی ہے اور اس سے اس کی قوت سماعت کے نظام کی نشوونما میں خلل پیدا ہوتا ہے۔ چنانچہ مردوں کو ہر حال میں اپنی حاملہ بیویوں کے ساتھ لڑائی جھگڑا کرنے اور چیخنے چلانے سے گریز کرنا چاہیے تاکہ ان کے ہاں پیدا ہونے والا بچہ سماعت کی مختلف بیماریوں سے بچ سکے۔“

اپنا تبصرہ بھیجیں