“فریڈم آف لندن” کے لائق نہیں، آنگ سان سوچی تاریخی اعزازسے محروم

لندن: (سٹی نیوز) روہنگیا مسلمانوں کے قتل عام پر آنگ سان سوچی کو تاریخی اعزازسے محروم کردیا گیا۔ لندن سٹی کارپوریشن نے جمہوریت کے لیے جدوجہدپر دیا گیا اعزازتین سال بعد واپس لے لیا۔

روہنگیامسلمانوں کی نسل کشی پر میانمار کی رہنماکی ساکھ کو ایک اور دھچکا لگ گیا، سٹی آف لندن کارپوریشن کمیٹی نے آنگ سان سوچی کو تین سال پہلے دیا ہوا اعزاز واپس لے لیا۔

لندن سٹی کارپوریشن کے منتخب نمائندگان نے ووٹنگ کے ذریعے اپنا فیصلہ سنایا، کمیٹی چیئرمین کا کہنا تھا کہ میانمارکی نوبیل انعام یافتہ سیاستدان انسانی حقوق کی خلاف ورزیوں پر خاموش رہیں لہذاوہ “فریڈم آف لندن” کے لائق نہیں ہیں۔

8سوسال پرانا یہ اعزاز جمہوریت کے لیے جدوجہد پر آنگ سان سوچی کو دیا گیا تھا۔ “فریڈم آف لندن”ایوارڈ برطانوی وزیراعظم ونسٹن چرچل، افریقی رہنمانیلسن منڈیلا اور مشہورزمانہ سائنسدان اسٹیفن ہاکنگ کو بھی مل چکا ہے۔۔

اپنا تبصرہ بھیجیں