میں نے فائنل امتحان کینسل کیا ہے،میاں صاحب کو خوش آمدید کرنے کے لیے،انشا اللہ تمام سفر میں شرکت کروں گا

اسلام آباد (سٹی نیوز)نا اہلی کے بعد نواز شریف کی لاہور آمد کے اعلان پر لیگی کارکنان میں خاصا جوش و ولولہ دیکھا جا رہا ہے،کچھ دن قبل مری سے اسلام آباد آمد پر بھی لیگی کارکنوں نے ان کا بھر پور استقبال کیا تھا۔نواز شریف کی لاہور آمد پر لیگی کارکنان سوشل میڈ یا پر بھی اپنے جذبات کا اظہار کر رہے ہیں۔ نواز شریف کی صاحبزادی مریم نواز کو بھی کارکنان کی جانب سے جذباتی پیغامات موصول ہو رہے ہیں۔ایک لیگی کارکن نے پیغام دیتے ہوئے کہا ’’میم:میں نے سعودی عرب واپسی کینسل کردی ہے صرف میاں صاحب کے دیدار کی وجہ سے،گوجرانوالہ میں ان کا استقبال کروں گا،نواز شریف سے مصافحہ کرنا چاہتا ہوں،میری مدد کریں‘‘۔اس پر جواب دیتے ہوئے مریم نواز نے کہا کہ مجھے اپنا رابطہ نمبر دے دیں،میں لاہور میں آپ کی نواز شریف کے ساتھ خصوصی ملاقات طے کرا دوں گی۔ایک لیگی کارکن نے پیغام دیا کہ ’’میں نے فائنل امتحان کینسل کیا ہے،میاں صاحب کو خوش آمدید کرنے کے لیے،انشا اللہ تمام سفر میں شرکت کروں گا‘‘۔اس پر مریم نواز نے پوچھا کہ آپ کے امتحان کا کیا بنے گا؟۔ایک اور لیگی کارکن نے کہا کہ ’’میم:یہاں لوگ شادی آگے کر چکے ہیں،میا ں صاحب کے ساتھ آنے کے لیے‘‘۔اس پیغام پر مریم نواز نے پوچھا کہ یہ کام کس نے کیا ہے؟

اپنا تبصرہ بھیجیں