ڈرامے میں فحش حرکات کرنے پراداکارہ آفرین خان کو نوٹس

گوجرانوالہ(ویب ڈیسک)سٹیج ڈرامے میں ڈانس کے دوران فحش حرکات کرنے پر اداکارہ آفرین خان کو نوٹس جاری کردیا گیاجبکہ دوبارہ ضابطہ اخلاق کی خلاف ورزی کرنے پر فوری کارروائی کی تنبیہ کر دی گئی ہے۔ سٹیج ڈرامہ ’’پٹرول پمپ ‘‘میں ضابطہ اخلاق کی خلاف ورزی کی مانیٹرنگ رپورٹ پر آرٹس کونسل نے سٹیج اداکارہ آفرین خان کو وارننگ نوٹس جاری کر دیا ہے جس میں کہا گیا کہ سٹیج پرفارمنس کی سی ڈی میں ضابطہ اخلاق کی خلاف ورزی کا مکمل ریکارڈ موجود ہے اسلئے وہ مستقبل میں ایسی حرکات نہ کریں ورنہ انکے خلاف سخت کارروائی عمل میں لائی جائیگی۔ ذرائع کے مطابق وارننگ لیٹر کی کاپی ڈپٹی کمشنر سمیت دیگر افسروں کو بھی بھجوادی گئی ہے۔

اپنا تبصرہ بھیجیں