ٹی 20 میچ میں محمد عامر نے روی بوپارا کی گیند پر باؤنڈری پر ایسا شاندار کیچ پکڑا کہ وہاں موجود تماشائی بھی خوشی سے جھوم اٹھے

لندن (سٹی نیوز) آئی سی سی چیمپینز ٹرافی کے فائنل میں اپنی با ؤ لنگ کے ذریعے بھارتی بیٹنگ لائن کی دھجیاں اڑانے والے محمد عامر ٹی 20 بلاسٹ ٹورنامنٹ میں زبردست فیلڈنگ کے ذریعے بھی خوب داد وصول کر رہے ہیں اور ’’گورے‘‘ بھی ان کی صلاحیتیوں کے معترف ہو گئے ہیں۔
ایسکس اور سرے کاؤنٹی کے درمیان کھیلے گئے ٹی 20 میچ میں محمد عامر نے روی بوپارا کی گیند پر باؤنڈری پر ایسا شاندار کیچ پکڑا کہ وہاں موجود تماشائی بھی خوشی سے جھوم اٹھے۔ بلے باز نے شاٹ لگائی تو محمد عامر کیچ پکڑنے کیلئے دوڑے، گیند جس جانب سے آ رہی تھی، سورج بھی اسی جانب تھا، مگر عامر نے باؤنڈری کے قریب پہنچ کر ہوا میں جمپ لگائی اور شاندار کیچ پکڑ کر اپنی ٹیم کو وکٹ دلا دی۔

اپنا تبصرہ بھیجیں