نوشہرہ ڈرائی پورٹ کا افتتاح، خواجہ سعد اور مریم اورنگزیب کا حکومت پر طنز اور تنقید

اسلام آباد: (سٹی نیوز) سعد رفیق کہتے ہیں پی ٹی آئی حکومت نے اضاخیل ڈرائی پورٹ کے منصوبے کو انا کی بھینٹ چڑھایا جبکہ مریم اورنگزیب نے دعویٰ کیا کہ منصوبے کا نوے فیصد کام لیگی دور میں مکمل ہوا۔

خواجہ سعد رفیق کا کہنا تھا کہ اضاخیل ڈرائی پورٹ کی تعمیر میں ڈیڑھ سال کی تاخیر کی ذمہ دار پی ٹی آئی حکومت ہے۔ لیگی دور کے منصوبوں پر تختیاں لگا کر اور تالیاں بجا کر عوام کو بے وقوف بنایا جا رہا ہے۔
سابق وزیر ریلوے نے کہا کہ اپنی نالائقی پر شرمندگی کے بجائے اترانا تحریک انصاف کا طرہ امتیاز ہے۔

ادھر ترجمان ن لیگ مریم اورنگزیب نے اپنے بیان میں کہا ہے کہ ڈرائی پورٹ کی بنیاد نواز شریف نے رکھی، عمران خان نے اسے سولہ ماہ میں تباہ کر دیا۔ ابھی تک لیگی دور کے منصوبوں جیسا ایک بھی شروع نہیں کر سکے۔ خیبر پختونخواہ چھ سال کے دوران اضاخیل ڈرائی پورٹ جیسا ایک منصوبہ دکھا دیں؟ عمران خان کی قابلیت پشاور میٹرو کےسو ارب روپے کے کھڈوں سے عیاں ہے۔

اپنا تبصرہ بھیجیں