عمران خان کے اثاثوں میں پنشن ، تنخواہ اورغیرملکی بینک اکاؤنٹس کے علاوہ کیا کچھ ہے، جمائمہ خان زیرکفالت ہیں یا بشریٰ بی بی؟ تفصیلات سامنے آگئیں

اسلام آباد(ویب ڈیسک) پاکستان تحریک انصاف کے سربراہ عمران خان نے کاغذات نامزدگی کے ساتھ جمع کرائے گئے اثاثوں کی تفصیل میں بتایا ہے کہ ان کی موجودہ آمدن پینشن تنخواہ اور بینک منافع پر مشتمل ہے۔
الیکشن کمیشن کو جمع کرائے گئے ریکارڈ کے مطابق عمران خان 168 ایکڑ زرعی زمین کے مالک ہیں جب کہ ان کی موجودہ تنخواہ اٹھارہ لاکھ روپے سے زائد ہے۔
دستاویزات کے مطابق عمران خان کے ذرائع آمدن زراعت، تنخواہ، پنشن اور بینک منافع ظاہر کیے گیے ہیں۔ عمران خان 168 ایکڑ زرعی زمین کے مالک ہیں۔ گزشتہ برس ان کی آمدن 47 لاکھ 76 ہزار 611 اور تنخواہ 18 لاکھ 991 روپے بتائی گئی ہے جب کہ عمران خان کی زرعی آمدن 23 لاکھ 60 ہزار روپے ہے۔
چیئرمین تحریک انصاف نے اپنے کاغذات میں ظاہر کیا ہے کہ انہوں نے 2015 سے لے کر 2018 تک 28 غیر ملکی دورے کیے ہیں جن میں سے زیادہ تر دورے اسپانسرڈ تھے۔ظاہر کی گئی تفصیل کے مطابق عمران خان نے گزشتہ سال اپنی آمدن پر ایک لاکھ 3 ہزار 763 روپے ٹیکس ادا کیا ہے۔

اپنا تبصرہ بھیجیں