دبئی کی بندرگاہ پر ایک عرب شہری کو ایسے حیران کن انداز میں منشیات کی سمگلنگ کرتے ہوئے گرفتار کرلیا گیا

دبئی سٹی (ویب ڈیسک) دبئی کی بندرگاہ پر ایک عرب شہری کو ایسے حیران کن انداز میں منشیات کی سمگلنگ کرتے ہوئے گرفتار کرلیا گیا کہ جس کی مثال اس سے پہلے کسی نے دیکھی تو کیا سنی تک نہ ہو گی۔ یہ شخص منشیات کی 60 لاکھ گولیاں بکروں کی انتڑیوں میں چھپا کر لے آیا تھا، لیکن خوش قسمتی سے یہ زہر دبئی میں داخل ہونے سے پہلے ہی پکڑ لیا گیا۔
دبئی کسٹمز آفیسرز کا کہنا تھا کہ پکڑی گئی منشیات کا وزن تقریباً ایک ہزار کلوگرام ہے۔ اہلکاروں نے شکوک و شبہات کی بناء پر ایک کنٹینر کے معائنے کا فیصلہ کیا تھا لیکن اس میں موجود انتڑیوں میں سے امفیٹا مین منشیات کی گولیاں برآمد ہو گئیں۔
منشیات لانے والا عرب شہری جانوروں کی تجارت کرنے والی ایک کمپنی کیلئے کام کرتا ہے۔ وہ سکیورٹی حکام کو بظاہر یہ تاثر دے رہا تھا کہ کنٹینر میں صرف انتڑیاں ہیں، لیکن دراصل منشیات کی گولیوں کو پلاسٹک کے لفافوں میں بند کرکے ان انتڑیوں کے اندر چھپایا گیا تھا۔ ملزم کنٹینر کو کلیئر کروانے کے بعد دبئی کے ایک ویئر ہاؤس میں منتقل کرنا چاہ رہا تھا، جہاں سے اسے کسی اور شخص کے حوالے کیا جانا تھا۔

اپنا تبصرہ بھیجیں