بھارت میں محبت کا جنون خونی شکل اختیار کر گیا،ایک سال میں3 ہزار جانیں محبت کی نظر ہوگئیں

نئی دہلی (اے این این)بھارت میں محبت کا جنون خونی شکل اختیار کر گیا، صرف ایک سال میں 3 ہزار جانیں محبت کی نظر ہوگئیں۔

نیشنل کرائم ریکارڈ بیورو کے ڈیٹا کے مطابق بھارت میں 2016 میں 30 ہزار 450قتل ہوئے، جن میں سے 10فیصد کیسز لوافیئرز سے متعلق تھے،اس قسم کے کیسز میں اترپردیش سب سے آگے ہے جبکہ بہار اور تامل ناڈو میں بھی محبت میں قتل کی کئی وارداتیں سامنے آئیں، پٹنہ میں اس قسم کے کیسز کی سب سے بڑی تعداد رپورٹ ہوئی ہے۔محبت میں جان لینے اور دینے کے بہت سے واقعات ہیں اور ہر واقعہ ایک علیحدہ کہانی کی حیثیت رکھتا ہے، اس کی تازہ مثال حال ہی میں یوپی کے علاقے میرٹھ سے گرفتار کیا گیا 40 سالہ بھارتی میجر نکہل ہے جس کے ہاتھوں ساتھی میجر کی اہلیہ کا قتل ہوا۔

اپنا تبصرہ بھیجیں